Nıgerııada Lassa bezgeginen qaza tapqandar sany 151 adamǵa jetti

ABÝDJA. KAZINFORM – Nıgerııa Aýrýlardy baqylaý ortalyǵynyń málimetinshe, 1 qańtardan beri elde Lassa vırýsynan týyndaǵan 800 jaǵdaı tirkelgen, onyń 151-i ólimmen aıaqtalǵan, dep habarlaıdy Anadolu.

Ólim-jitim deńgeıi ótken jyldyń osy kezeńimen salystyrǵanda 17,3%-ten 18,9%-ke deıin artqan. 2023 jyly bul aýrýdan 190 adam qaıtys bolǵan.

Lassa bezgegi alǵash ret 1969 jyly Nıgerııanyń Borno shtatynda tirkelgen. Bul vırýs Batys Afrıka elderinde, sonyń ishinde Malı, Togo, Gana, Lıberııa jáne Serra-Leone elderinde jıi taralady. Aýrý juqtyrý derekteriniń kóbeıýine baılanysty Nıgerııa bıligi 2019 jyldyń qańtarynda tótenshe jaǵdaı rejımin engizgen bolatyn.

Vırýs adamǵa egeýquıryqtardyń nájisi nemese zári arqyly taraýy, sondaı-aq adamnan adamǵa juǵýy múmkin. Aýrý aýyr gemorragııalyq qyzba týdyryp, ólimge ákelýi yqtımal.

Densaýlyq saqtaý qyzmetteri azamattardy sanıtarlyq talaptardy saqtaýǵa jáne bul vırýstyń negizgi tasymaldaýshylary – kemirgishterden aýlaq bolýǵa shaqyryp otyr.

Aıta keteıik, BUU Nıgerııada 600 myńnan astam bala ashtyqtan ólip ketýi múmkin ekenin málimdedi.