Nıgerııada lańkester 8 meshitti qıratyp, 40-tan astam adamdy qyryp saldy
ASTANA. QazAqparat - Nıgerııada «Boko Haram» radıkaldyq tobynyń sodyrlary eldiń soltústik-shyǵysynda ornalasqan Gýbıo qalasyna shabýyldaý ýaqytynda 43 adamdy qyryp saldy, onyń ishinde eki bala bar.
Jergilikti turǵyndardyń aıtýynsha, 50-ge tarta adamnan turatyn ekstremıster jasaǵy qalaǵa basyp kirip, qalanyń astan-kesteńin shyǵarǵan.
Radıkal-ıslamıster jergilikti turǵyndaryń 400-ge jýyq úıin órtep, kólikterin jaǵyp jibergen. Segiz meshit, tórt mektep, qalalyq ákimshilik ǵımaratyn qıratty, dep habarlady TASS. Turǵyndar qurylystardy qalpyna keltirýdi talap etýde.
«Boko Haram» Nıgerııanyń soltústik-shyǵysynda ıslam halıfatyn quryp, sharıǵat normalaryn (ıslam quqyǵyn) engizýdi kózdeýde. Radıkaldar keı meshitterdi joldan jańylysqan dep sanap, olardy órtke oraýda.
