Nıgerııada keme apatqa ushyrap, keminde 14 adam mert boldy
ABÝDJA. SINЬHÝA – QazAqparat - Nıgerııanyń soltústik-batysynda keme apatqa ushyrap, keminde 14 adam mert boldy, 6 adam iz-túzsiz ketti, dep habarlaıdy QazAqparat Qytaıdyń Sınhýa agenttigine silteme jasap.
Nıgerııanyń jańalyqtar agenttigine silteme jasap habarlaǵan qytaılyq BAQ-tyń málimetinshe, seısenbi kúni keshkisin 100-ge tarta fermer mingen keme Kebbı shtatynda aýdarylyp qalǵan.
Nıgerııa prezıdenti Mýhammadý Býharı juma kúni qaıǵyly jaǵdaıǵa dýshar bolǵandardyń jaqyndaryna kóńil aıtyp, joǵalyp ketkenderdi birneshe táýlik boıy úzdiksiz izdegen qutqarýshylardyń eńbegin joǵary baǵalady.
Memleket basshysy quzyrly mekeme ókilderin keme qyzmetin retteýge jiti nazar aýdardy tapsyrdy. Bul jumysty ol ásirese aýyldy qaımaqtarda qatań baqylaýda ustaý qajet ekenin aıtty.
Nıgerııada kemelerge shekten tys salmaq túsirý jáne olardy paıdalaný talaptarynyń buzylýynan qaıǵyly jaǵdaılar jıi bolyp turady.
