Nıgerııada qaıyq aýdarylyp, júzdegen adam qaza tapty
ABÝDJA. QazAqparat – Nıgerııanyń ońtústik-batysyndaǵy Nıger ózeninde qaıyq aýdarylyp, 100-den astam turǵyn sýǵa batyp ketti, kóptegen adam iz-túzsiz joǵaldy, dep habarlaıdy QazAqparat CNN-ge silteme jasap.
Keme toı saltanatynan keıin Kvara shtatynan Nıger shtatyna 300-den astam adamdy alyp bara jatqan.
Resmı tulǵalardyń sózinshe, izdeý-qutqarý jumystary jalǵasyp jatyr.
Qonaqtar nóser jaýynnan keıin joldardy jaýyp qalǵan jergilikti ózennen ótý úshin qaıyqty paıdalanbaq bolǵan. Kórshi aýylǵa neke qııý saltanatyna barǵandar joldar jarylyp ketkendikten mototsıklmen qaıta almaı qalǵan.
Qaıyq aǵashtyń dińine soǵysqannan keıin aýdarylyp, ekige bólinip ketken. Oqıǵa jergilikti ýaqytpen 3 pen 4 arasynda boldy. 53 jolaýshy aman qaldy. Qaıyqta bolǵan basqa adamdardyń bári qaza tapty degen qaýip bar.
Kvara shtatynyń úkimeti marqumdardyń otbasyna kóńil aıtyp, aman qalǵandardy tabý úshin qutqarý jumystaryn baqylap otyrǵanyn málimdedi.
Qaıyqtaǵy apat – soltústik Nıgerııadaǵy qalypty jaǵdaı. Ótken aıda Sokoto shtatynyń soltústik-batysynda qaıyq aýdarylyp 15 adam mert bolǵan.
