Nıgerııada qaıyq aýdarylyp, 27 adam qaza tapty

ASTANA. KAZINFORM – Nıgerııada Nıger ózeninde qaıyq aýdarylyp, 27 adam qaza tapty, dep habarlaıdy  azerbaycan24. 

200-ge jýyq jolaýshy mingen qaıyq 28 qarashada qozǵalyp bara jatyp aýdarylǵan.

Nıger shtatynyń memlekettik tótenshe jaǵdaılar jónindegi agenttiginiń ókili Ibragım Aýdýdyń aıtýynsha, jolaýshylardyń jartysynan kóbi iz-túzsiz joǵalǵan. 

29 qarasha kúni keshke qutqarýshylar ózennen qaza tapqan 27 adamnyń denesin alyp shyqty.
Oqıǵanyń sebepteri áli belgisiz, biraq qaıyq ózendegi týrbýlenttilik nemese onyń jasyna baılanysty tehnıkalyq aqaýlar saldarynan aýdarylýy múmkin degen boljam bar. Shtat bıligi adamdar ólimine qaıyqtaǵy barlyq jolaýshylardyń qutqarý keýdesheleriniń joqtyǵy sebep boldy dep sanaıdy.

Nıgerııanyń Tótenshe jaǵdaılar jónindegi ulttyq agenttiginiń operatsııalyq jetekshisi Djastın Ývazýrýneniń atap ótýinshe, qutqarýshylar apat ornyn birneshe saǵat boıy anyqtaı almaǵan.