Nıgerııada qarýly top kolledjge shabýyl jasap, júzdegen adamdy urlap áketken
PRETORIıA. QazAqparat – Nıgerııanyń batysyndaǵy Kagara qalasynda qarýly top memlekettik kolledjge shabýyl jasap, júzdegen stýdent pen oqytýshylardy urlap áketken, dep habarlaıdy QazAqparat Agence France-Presse (AFP) agenttigine silteme jasap.
«Qarýly top júzdegen stýdent pen oqytýshylardy alyp ketti. Birneshe stýdent pen bir qyzmetker qashyp úlgergen», deıdi jergilikti sheneýnikterdiń biri.
Sondaı-aq nıgerııalyq Vanguard gazeti jergilikti bılik ókilderine silteme jasap shabýyl kezinde bir stýdent mert bolǵanyn jáne birnesheýi jaraqat alǵanyn habarlady. Sheneýniktiń sózinshe, stýdenttik forma kıgen qarýly adamdar túngi 2-de jataqhanaǵa basyp kirgen. Urlanǵan adamdardyń naqty sany anyqtalyp jatyr.
