Nıgerııada qarýly shabýyldan 23 adam qaza tapty

ASTANA. KAZINFORM — Nıgerııanyń shyǵysyndaǵy Benýe shtatynda birqatar qarýly shabýyl saldarynan keminde 23 adam qaza tapty, dep habarlaıdy Anadoly.

Kvande aýdanynyń ákimshiligi basshysy Reı Anýmveniń jergilikti gazetke bergen málimetinde, shabýyldardy kóshpeli fýlanı taıpasynan shyqqan malshylar Kvande aýdanyndaǵy aýyldarǵa jasaǵan. Onyń aıtýynsha, qaza tapqandardyń arasynda balalar da bar, kóptegen turǵyn jaraqat alǵan.

Sheneýniktiń sózinshe, shabýyldaýshylar beıbit turǵyndardyń azyq-túlik qoryn tonap, kóptegen úıdi órtep jibergen.

Benýe shtatynda fýlanı malshylar men jergilikti eginshi qaýymdar arasynda jıi qandy qaqtyǵystar bolyp turady. Sáýir aıynda osyǵan uqsas shabýylda bul óńirde shamamen 100 adam qaza bolǵan.

Aıta keteıik, buǵan deıin Nıgerııada qarýly shabýyldan 14 shahter qaza tapqanyn jazdyq.

BUU Nıgerııada 600 myńnan astam bala ashtyqtan qyrylýy múmkin ekenin málimdedi.