Nıgerııada qaraqshylardyń shabýylynan kóz jumǵandar sany 200-ge jýyqtady

Nıgerııanyń ortalyǵynda sodyrlardyń shabýylynan 198 adam qaza tapty, dep habarlaıdy Kazinform agenttigi Euronews resýrsyna silteme jasap. 

Bul týraly sársenbi kúni tiri qalǵandar ólgenderdi jerleı bastaǵan kezde jergilikti bılik habarlady.

Plato shtatyndaǵy birneshe aýyl senbiden seısenbige deıin úsh kún boıy qarýly toptardyń shabýylyna ushyrady.

Bul aımaq birneshe jyldan beri dinı jáne etnıkalyq shıelenistiń azabyn tartyp keledi. 

Ormanda ornalasqan bandıttik toptar osyndaı reıd júrgizedi, aqsha úshin adamdardy tonap, urlaıdy.

Eske sala keteıik, buǵan deıin Nıgerııada shabýyldan qaza tapqandar sany 160-qa jetkenin habarlaǵan edik.