Nıgerııada Ebola vırýsyn juqtyrýdyń alǵashqy jaǵdaıy tirkeldi
ASTANA. KAZINFORM — Nıgerııada Ebola gemorragııalyq qyzbasyn juqtyrýdyń alǵashqy jaǵdaıy rastaldy. Bul týraly TASS agenttigi habarlady.
The Cable basylymynyń eldiń Densaýlyq saqtaý mınıstrligine silteme jasap habarlaýynsha, bılik vırýs juqtyrǵan naýqaspen baılanysta bolǵan 44 adamdy anyqtaǵan.
Vırýs juqtyrǵan áıel Nıgerııaǵa Ýgandadan ushaqpen kelgen. Qazir ol el astanasy Abýdjadaǵy jekemenshik klınıkalardyń birinde em qabyldap jatyr.
Úkimet ulttyq densaýlyq saqtaý júıesindegi barlyq medıtsınalyq mekemeni asa qyraǵy bolýǵa shaqyrdy.
Ebola indeti 2026 jylǵy mamyrda Kongo Demokratııalyq Respýblıkasynda (KDR) bastalǵan. Bul el tarıhyndaǵy eń iri indetke aınalǵan.
Sońǵy málimetter boıynsha, KDR aýmaǵynda vırýsty juqtyrýdyń 9,4 myńnan astam jaǵdaıy tirkelip, 4,5 myńnan astam adam qaıtys bolǵan. Aýrý eldiń segiz provıntsııasyna taralǵan.
Kenııada toǵyz naýqas tirkelgen.
Buǵan deıin Kenııada Ebola vırýsyn juqtyrýdyń segizinshi jaǵdaıy anyqtalǵany habarlanǵan bolatyn.
