Nıgerııada búlikshiler úsh aýyldy joıyp jiberdi, 200 adam qaza tapty
ASTANA. QazAqparat - Nıgerııanyń soltústik-shyǵysyndaǵy Borno shtatynda Boko Haram tobynyń músheleri kem degende 200 adamdy qyryp saldy, dep habarlady Rosbalt.
Ásker kıim kıip alǵan búlikshiler oq jaýdyryp, úsh aýyldy tolyqtaı joıyp jiberdi.
Jergilikti bılik ókilderiniń aıtýynsha, olar búlikshiler shabýylǵa daıyndalyp jatqandyǵy jaıynda áskerı qyzmetshilerge eskertken, biraq olar kómekke kelmegen. Ári shtat astanasy Maıdýgýrıde qaıǵyly oqıǵa týraly aman qalǵan sharýalar baryp aıtqan kezde ǵana, birneshe kún ótkennen keıin bir-aq bilgen. Aıta keteıik, «Boko Haram» - Nıgerııadaǵy radıkaldyq ıslamdyq sekta. Olar sharıǵatty eldiń barlyq aýmaǵyna engizý, batystyń yqpalymen kúresý maqsattaryn kózdeıdi. Búlikshiler shirkeýlerge, mektepter men polıtsııa ýchaskelerine birneshe ret shabýyl jasaǵan. 2014 jylǵy mamyrda BUU Qaýipsizdik Keńesi «Boko Haramdy» terrorlyq uıymdar tizimine engizgen.
