Nıgerııada belgisiz adamdardyń shabýylynan 35 adam qaza tapty
ASTANA. QazAqparat - Nıgerııanyń Nıger shtatyndaǵy aýylǵa belgisiz bireýler shabýyl jasap, saldarynan kem degende 35 adam kóz jumdy, dep habarlaıdy RIA Novostı.
Sınhýa agenttiginiń jergilikti bılikke silteme jasap habarlaýynsha, aýylǵa 40 shaqty qarýly adamdar basyp kelgen. Olar boljam boıynsha fýlanıdiń kóshpendi baqtashylary bolýy múmkin.
Shabýyl saldarynan aýyl turǵyndary úılerin tastap qashýǵa májbúr bolǵan. Qaıtys bolǵandardyń arasynda polıtsııa qyzmetkerleri de bar.
Kóshpeli fýlanı halqy men nıgerııalyq ózge taıpalar arasynda qandy qaqtyǵystar jıi oryn alyp otyrady. Kóshpendiler malyn aldyna salyp alyp, ózge taıpalardyń terrıtorııasyna ótip ketetindikten taıpalar qarýly urystarǵa jıi barady. Sońǵy birneshe jyldyń ishinde osyndaı daý-janjaldardyń kesirinen myńdaǵan adam qaza tapqan. Foto: © Teseum/flickr.com (CC BY ND 2.0)
