Nıgerııada bazarǵa áýeden soqqy jasaldy, qurbandar sany 100-den asýy múmkin
ASTANA. KAZINFORM - Nıgerııanyń Iobe shtatyndaǵy Djıllı aýylynda bazar mańyna jasalǵan áýe soqqysy saldarynan ondaǵan adam qaza tapty. Amnesty International uıymynyń málimetinshe, qurbandar sany 100-den asyp, taǵy 35 adam jaralanǵan, dep jazady Aljazeera.
Jergilikti bılik shamamen 200 adamnyń zardap shekkenin habarlady. Al áskerı kúshter soqqy «Boko Haram» tobynyń sodyrlaryna baǵyttalǵanyn aıtyp, bazarǵa tikeleı soqqy jasalǵanyn joqqa shyǵaryp otyr. Degenmen Iobe shtatynyń bıligi soqqy adamdar kóp jınalǵan bazar mańynda jasalǵanyn rastady.
Qazirgi ýaqytta zardap shekkenderge kómek kórsetý boıynsha shuǵyl sharalar qolǵa alynǵan.
Amnesty International uıymy bul áreketti adam ómirine jasalǵan qııanat dep baǵalap, áýe soqqysyn qatań aıyptady.
Osyǵan deıin Nıgerııada jankeshtiler jasaǵan birqatar terakt saldarynan 23 adam qaza tapqany týraly jazdyq.
