Nıgerııada baıkerler karnavalynda 14 adam qaza tapty
ASTANA.QazAqparat - Nıgerııada baıkerlerdiń áıgili karnavalynda joldan shyǵyp ketken kólik sherýdi qyzyqtap turǵan adamdar tobyna soǵyldy. Saldarynan kem degende 14 adam qaza tapty, dep habarlaıdy QazAqparat BBC-ge silteme jasap.
Oqıǵaǵa kýá bolǵandardyń aıtýynsha, jyldamdyqty shekten asyrǵan júrgizýshi tizginge ıe bola almaı qalǵan.
Alǵash ret 2004 jyly Kalabar portynda ótken bul karnavalǵa týrıster álemniń túkpir-túkpirinen jınalady. Bir aıǵa jalǵasatyn sharany uıymdastyrýshylar Afrıkadaǵy eń úlken kóshe keshi dep ataıdy. COVID pandemııasyna baılanysty eki jyldyq úzilisten keıin bıyl ony erekshe kútkender kóp. Karnavalǵa jergilikti tanymal adamdar qatysady. Olardyń keıbiri karnaval kostıýmderin kıip, mototsıklderde ártúrli trıýkter oryndaıdy.
Polıtsııa júrgizýshiniń mas bolǵanyn anyqtady, ol qamaýǵa alyndy. Zardap shekken 15 jastaǵy balanyń ákesiniń aıtýynsha, júrgizýshi jol boıyna aqsha shashqan, jurt ony jınaýǵa umtylǵanda qaıǵyly jaǵdaı oryn alǵan.
Shtat gýbernatory Ben Aıadeniń málimdemesinde aıtylǵandaı, qazir Úkimet kóliktiń karnaval aýmaǵyna kóptegen tosqaýyldardan qalaı ótip ketkenin tekserip jatyr.
Foto: bbc.com
