Nıgerııada baqtashylar men sharýalar qaqtyǵysyp, 16 adam mert boldy

Nıgerııanyń soltústik-ortalyq bóligindegi Mýshý aýylynda baqtashylar men fermerler arasynda qaqtyǵys bolyp, 16 adam qaza tapty. Bul týraly Frans Press (AFP) agenttigi málim etti, dep habarlaıdy Kazinform Sınhýa jańalyqtaryna silteme.

Shabýyl senbi tún ortasynda bastalǵan, qantógiske ne sebep bolǵanyn anyqtaý maqsatynda tergeý bastaldy, delingen AFP-tiń eldiń ásker ókiline silteme jasaǵan habarlamasynda.

«Polıtsııa men qaýipsizdik kúshteri etnıkalyq jáne dinı qaqtyǵys jıi bolatyn aýdandaǵy jańa janjaldy toqtatý úshin oqıǵa ornyna asyqty», — dep tolyqtyrǵan AFP.