Nıgerııada aýyldarǵa qarýly shabýyldar kezinde 13 adam qaza tapty

ASTANA. KAZINFORM — Nıgerııanyń ortalyq bóliginde ornalasqan Plato shtatyndaǵy eki aýylǵa jasalǵan qarýly shabýyldar saldarynan keminde 13 adam opat boldy, dep habarlaıdy Sınhýa.

Barkın-Ladı aýdanynyń basshysy Stıven Gıang Pvadjoktyń aıtýynsha, Rachas jáne Ravýrý aýyldaryna shabýyl 14 qazan kúni keshke jasalǵan.

Kelesi kúni qaza tapqandardy jappaı jerleý rásimi ótkizilgen.

Onyń aıtýynsha, bul shabýyldar «eshbir arandatýsyz jáne óte qaıǵyly» bolǵan.

Atystan jasyrynbaq bolǵan birneshe adam jaraqat aldy, oqty qarýly malshylar atqan bolýy múmkin degen boljam bar.

Buǵan deıin Nıgerııada sodyrlar meshitke shabýyl jasap, 27 adamdy atyp ketkenin habarlaǵan edik.