Nıgerııada áskerı ushaq apatqa ushyrady
NUR-SULTAN. QazAqparat – Búgin Nıgerııa astanasy Abýdjı qalasynyń áýejaıy mańynda barlaýshy ushaq apatqa ushyrap, 7 adam qaza tapty, dep habarlaıdy QazAqparat BBC agenttigine silteme jasap.
«Ókinishke oraı bortta bolǵan barlyq 7 áskerı qyzmetshi qaza tapty», - delingen Nıgerııa áskerı-áýe kúshteriniń Twitter paraqshasynda jarııalanǵan aqparatta.
Buǵan deıin, Nigerian Tribune gazeti alty adamnyń qaza tapqandyǵyn habarlaǵan bolatyn.
Nıgerııa Áskerı-áýe kúshteriniń Beechcraft King Air 350i týrbınaly-vıntti eki qozǵaltqyshty ushaǵy Abýdjı halyqaralyq áýejaıynan ushyp shyqqan kezde apatqa ushyraǵan bolatyn. Ushaq Nıger shtatyndaǵy Mınna qalasyna bet alǵan edi. Nıgerııa Avıatsııa mınıstri Hadı Sırıktiń aıtýynsha, ushaqtyń eki qozǵaltqyshynyń biri isten shyqqan.
Nıgerııanyń Vanguard gazeti oqıǵa kýágerleriniń sózin keltiredi. Kýágerlerdiń aıtýynsha, ushqysh ushaqty turǵyn úı alaptarynan buryp áketip, jazyq dalaǵa qulaǵan jáne tolyqtaı janyp ketken.
FOTO/REUTERS
