Nıgerııada asharshylyqtan 75 myń bala ajal qushýy múmkin
ASTANA. QazAqparat - Nıgerııanyń soltústiginde asharshylyqtan taıaýda 75 myń bala ólip ketýi múmkin. Bul týraly Birikken Ulttar Uıymynyń gýmanıtalyq baǵdarlamasyn úılestirýshisi Peter Lýndberg málimdedi, dep jazady 24.kz.
Sebebi, «Boko Haram» qarýly tobynyń qolynan azat etilgen soltústik-shyǵystaǵy Borno shtatyn asharshylyq jaılap, 14 mıllıonǵa jýyq adam kómekke zárý. Olardyń 400 myńdaıy - kámelet jasyna tolmaǵandar.
Al osy aımaqtaǵy 7 jylǵa sozylǵan úkimet áskeri men ekstremıster arasyndaǵy soǵystan ondaǵan myń adam opat bolǵan. Sondyqtan halyqaralyq uıym bul daǵdarysty bir ózi sheshe almaıtynyn da aıtty.
