Nıgerııada 50 myńdaı bala ashtan qyrylýy múmkin

ASTANA. QazAqparat - Nıgerııanyń soltústik-shyǵysynda 50 myńdaı bala ashtan qyrylýy múmkin. Taǵy 244 myń jetkinshek toıyp tamaq ishýge zar. ıÝNISEF-tiń Batys jáne Ortalyq Afrıkadaǵy dırektory Manýel Fonten osylaı dabyl qaqty, dep jazady 24.kz.

Onyń aıtýynsha, Borno shtatyndaǵy kóptegen turǵyndar lańkester qıratqan qalalarda adam tózgisiz jaǵdaıda ómir súrýde. Tamaq túgili halyq bir jutym taza sýǵa zar bolyp otyr.

Aımaqtaǵy ıÝNISEF basshysy aýyr jaǵdaıdy túzeý úshin álemdegi donor elderden qarjylaı kómek surady. Buǵan deıin de Birikken Ulttar Uıymy Nıgerııada 2 jarym mıllıon turǵyn ash-jalańash ǵumyr keshýde dep málimdegen edi.

Sondaı-aq, «Shekarasyz dárigerler» halyqaralyq uıymy Bama qalasynda bir aıdyń ishinde 200-den astam turǵyn ashtan buratylyp ajal qushty dep sýyt habar taratqan bolatyn.

Sarapshylardyń aıtýynsha, «Boko haram» lańkestik toby aımaqqa úlken qaýip tóndirip otyr. Olar óńirge gýmanıtarlyq kómek jetkizýge kedergi jasaýda.