Nıgerııa prezıdenti «Boko Haramǵa» qarsy tura almaǵan áskerı basshylardy qyzmetinen bosatty
ASTANA. QazAqparat - Nıgerııa prezıdenti Mohammadý Býharı «Boko Haram» sodyrlaryna qarsy tura almaǵandyqtan synǵa ilikken Nıregııa Armııasynyń basshysy, flot jáne áskerı áýe kúshteriniń jetekshilerin qyzmetinen bosatty, dep habarlady «VVS» agenttigi.
Endi Nıgerııa Armııasyn Týkýr ıÝsýf Býrataı basqarady. Ol «Boko Haram» sodyrlary qazirgi ýaqytta belsendi áreket etip jatqan soltústiktegi Borno shtatynda týǵan.
Ótken aptada ǵana sodyrlar kem degende 250 nıgerııalyqty óltirdi.
Quqyq qorǵaýshylardyń esepterine sáıkes, sońǵy alty jylda qanipezerlerdiń qolynan 10 myń jazyqsyz adamnyń qaza tapty.
Aǵymdaǵy jyldyń naýryz aıynda «Boko Haram» «Islam memleketi» tobyna adal bolýǵa ant berdi. Olar ózderin «Islam memleketiniń Batysafrıkalyq provıntsııasy» dep atady.
