Nıgerııa prezıdenti Tramppen kezdesýge daıyn ekenin málimdedi

ASTANA. KAZINFORM — Nıgerııa prezıdenti Bola Tınýbý AQSh tarapynan Nıgerııada hrıstıandarǵa genotsıd jasaldy degen aıyptaýlarǵa baılanysty aldaǵy kúnderi Donald Tramppen kezdesýge daıyn ekenin aıtty, dep habarlaıdy Kazinform agenttigi TASS-qa silteme jasap.

Bul týraly Tınýbýdyń saıası kommýnıkatsııalar jónindegi arnaıy keńesshisi Denıel Bvala habarlady.

— Prezıdent Bola Tınýbý da, Donald Tramp ta búlikshilermen jáne terrorızmniń barlyq túrimen kúreske múddeli, - dedi Bvala H áleýmettik jelidegi paraqshasynda. 

Ol sondaı-aq bul kezdesýdiń qaıda ótetini týraly da jazdy. 

— Nıgerııadaǵy terrorıster tek hrıstıandarǵa ǵana emes, túrli dinı senimdegi adamdarǵa da shabýyl jasaı ma degen máselege qatysty kózqaras aıyrmashylyqtary bar. Bul kelispeýshilikter eki el basshylarynyń aldaǵy kúnderi ótetin kezdesýinde talqylanyp, sheshiledi. Kezdesý Nıgerııa prezıdentiniń saraıynda nemese Aq úıde ótýi múmkin, - dep qosty ol.

Eske sala keteıik, buǵan deıin Pentagon Nıgerııadaǵy radıkaldarǵa qarsy shara daıyndap jatqanyn málimdegen bolatyn.