Nıgerııa polıtsııasy qaraqshylar kepildikke alǵan 187 adamdy bosatty
NUR-SULTAN.QazAqparat - Nıgerııanyń soltústik -batysyndaǵy Zamfara shtatynyń polıtsııasy shtattyń ár jerinde qaraqshylarmen urlanǵan 187 adamdy bosatty. Bul týraly jumada Nıgerııanyń The Punch gazeti jazdy, dep habarlaıdy QazAqparat.
Qaraqshylar adamdardy 50 kúnnen astam ýaqyt kepildikte ustaǵan. Basylymnyń jazýynsha, kepildikte ustaǵan kezde 17 adam ashtyqtan ólgen.
Bosatylǵandar shtat bıligine tapsyryldy.
Nıgerııanyń soltústik jáne ortalyq aımaqtarynda sońǵy eki jylda uıymdasqan qylmystyń belsendiligi aıtarlyqtaı ósti. Qaraqshylar adamdardy óltiredi, tólem úshin kepilge alady, mal urlaıdy, turǵyndardy qorqytady, olardan túrli bopsalaý arqyly aqsha alady. Bandylar sonymen qatar turǵyndary bılikpen jumys jasaıtyn aýyldar men eldi mekenderge shabýyl jasaıdy. Úkimet qylmyspen kúresý úshin arnaıy polıtsııa men ásker bólimderin qoldanýǵa májbúr.
