Nıgerııa men Kongo Qazaqstannan spýtnık satyp alý úshin aldyn ala tólem jasady

ASTANA. KAZINFORM – Nıgerııa men Kongo Qazaqstannan spýtnık satyp alý úshin aldyn ala tólem jasady. Bul týraly búgin jyl qorytyndysyna oraı BAQ ókilderimen kezdesken Premer-mınıstrdiń orynbasary – Jasandy ıntellekt jáne tsıfrlyq damý mınıstri Jaslan Mádıev aıtty.

- Bizde álemdegi eń úlken ǵarysh aılaǵy – Baıqońyr ornalasqan. Airbus-pen yntymaqtastyqta «Ǵalam» qurastyrý-synaý kesheni bar. Onda qazaqstandyq spýtnıkterdi óndiremiz. Bul bizge ózimizdiń halyqaralyq spýtnıktik tobymyzdy damytýǵa múmkindik beredi. Búginde Qazaqstan úshin jerdi qashyqtan zondtaý 3 spýtnıgin jasaý baǵytynda jumys istep jatyrmyz. – dedi ol.

Onyń aıtýynsha, Qazaqstan spýtnıkterin ózge elderge eksporttaý úshin de birneshe kelisimshart jasalǵan.

- 2025 jyly Kongomen jáne Nıgerııamen eksporttyq kelisimshart jasaldy. Búginde biz atalǵan spýtnıkter úshin aldyn ala tólem aldyq. ıAǵnı, bul tarıhı oqıǵa dep sanaımyn, - dedi Jaslan Mádıev.

Buǵan deıin Monǵolııa jáne Kongo Respýblıkasymen birlesken spýtnıkter jasaý týraly naqty kelisimderge qol jetkizilgenin jazǵan edik.