Nıgerııa áskerı áýe kúshteri qatelesip bosqyndar lagerine soqqy jasady
ASTANA. QazAqparat - Nıgerııa áskerı áýe kúshteri kózdegen nysanasynan jańylyp, Borno shtatyndaǵy bosqyndarǵa arnalǵan lagerge soqqy baǵyttady, dep jazady «habar 24».
Oqıǵa saldarynan 100-ge jýyq beıbit turǵyn qaza tapqan. 200-den astamy jaraqat alǵan. Olardyń arasynda halyqaralyq Qyzyl krest uıymynyń da mamandary bar.
Jospar boıynsha, áýe soqqylary memlekettiń soltústik-shyǵysynda áreket etetin «Boko Haram» lańkestik tobyna qarsy jumsalýy tıis edi. Qaıǵyly jaǵdaıǵa baılanysty eldiń prezıdenti Mýhammadý Býharı marqum bolǵandardyń otbasy men týǵan-týystaryna kóńil aıtyp, japa shekkenderge kómek kórsetiletinin málimdedi.
