Nıgerde nóserli jaýynnan 23 adam qaza tapty
ASTANA. KAZINFORM – Bıyl Nıgerde tolassyz jaýyn saldarynan 23 adam qaza taýyp, taǵy 21 adam jaraqat aldy. Bul týraly Ulttyq órt sóndirý qyzmetiniń qolbasshysy Alı Abdýl Azız málimdedi, dep habarlaıdy Sınhýa.
Onyń aıtýynsha, jaýyn saldarynan 3 615 úı qırap, 5 855 otbasy qonys aýdarýǵa májbúr bolǵan. Barlyǵy 42 559 adam tabıǵı apattan zardap shekti.
Alı Abdýl Azız el turǵyndaryn jaýyn kezinde nemese odan keıin sý arnalaryn kesip ótpeýge, drenajdyq kanaldardy bógemeýge, qaýipti aımaqtardan aýlaq bolýǵa jáne ýaqytsha baspanalardy panalamaýǵa shaqyrdy.
Buǵan deıin Pákistan men Úndistanda da nóser jańbyrdyń kesirinen sý tasqyny oryn alǵany habarlanǵan bolatyn. Pákistannyń soltústiginde qurban bolǵandar sany 330 adamǵa jetse, Úndistannyń Kashmır aımaǵynda shamamen 60 adam kóz jumǵan.