Nıgerde eki avtobýs soqtyǵysyp, 21 adam qaza tapty
ASTANA. KAZINFORM – Nıgerdiń batysynda eki jolaýshylar avtobýsynyń soqtyǵysýy saldarynan keminde 21 adam qaza taýyp, taǵy 37 adam jaraqat aldy. Bul týraly Sınhýa agenttigi habarlady.
Nıger baspasóz agenttiginiń (ANP) habarlaýynsha, jol apaty juma kúni Maradı – Madaýa tasjolynda, Madaýa qalasynan shamamen 55 shaqyrym jerde bolǵan.
Aldyn ala málimet boıynsha, apattan 21 adam qaza tapqan. Túrli jaraqat alǵan 37 adamǵa medıtsınalyq kómek kórsetildi. Agenttik málimetinshe, avtobýstardyń birinde áskerı qyzmetshiler bolǵan.
Jol-kólik oqıǵasynyń sebepterin anyqtaý úshin tergeý bastaldy.
Oqıǵa Nıger bıligi elde jol-kólik oqıǵalarynyń jıileýine baılanysty jol qozǵalysy qaýipsizdigi jónindegi aqparattyq naýqandy kúsheıtip jatqan kezde boldy.
Nıgerde jol apattarynyń negizgi sebepteri qatarynda jyldamdyqty shamadan tys arttyrý, mas kúıinde kólik júrgizý, sondaı-aq kólikter men joldardyń nashar jaǵdaıy atalady.
Nıgerdiń Jol qozǵalysy qaýipsizdigi agenttiginiń esebine sáıkes, 2025 jyly elde 7100-den astam jol-kólik oqıǵasy tirkelip, 1200-den astam adam qaza tapqan. Taǵy 4400-den astam adam aýyr jaraqat alǵan.
Eske sala ketsek, Bangladeshte eki jol apatynan 16 adam qaza tapqanyn jazdyq.
Al Qazaqstanda jarty jylda jol apatynan 807 adam qaza tapty.
