Nıgerde 3 mınıstr qamaýǵa alyndy
ASTANA. QazAqparat – Nıger Respýblıkasynda keıingi eki kúnde memlekettik tóńkeriske qatysýshylar 3 mınıstr men bılikten ketirilgen prezıdent Mohamed Bazýmnyń partııasynyń basshysyn qamaýǵa aldy, dep habarlaıdy QazAqparat Anadolyǵa silteme jasap.
Atap aıtqanda, munaı mınıstri Sanı Issýf Mahamad qamalǵan. Ol – Nıgerdiń eks-prezıdenti Mahamadý Issýfýdiń uly. Sondaı-aq kólik mınıstri Almý Ýmarý, shahtalar mınıstri Ýseını Hadızatý ıAkýba men demokratııa jáne sotsıalızm partııasynyń tóraǵasy Fýmakoıe Gado bar.
Ótken aptada málim bolǵandaı, Nıger prezıdenti gvardııasynyń qyzmetkerleriniń bir bóligi memleket basshysyna qarsy shyqty. Ol ustalyp, bılikten qýyldy. Qazir prezıdent Mohamed Bazýmnyń qaıda ekeni belgisiz. Sonymen qatar qamaýǵa syrtqy ister mınıstri Hassýmı Massýdý alyndy.
Nıgerde búlik 26 shildede bastalǵan bolatyn. Prezıdenttik gvardııa prezıdent Bazým men onyń otbasyn rezıdentsııadan shyǵarmaı qoıǵan.
Memlekettik tóńkeristiń basy-qasynda júrgen general Omar Tchıanı ózin ótpeli kezeńniń prezıdenti etip jarııalady. Ol bul týraly ulttyq televıdenıe efırinde málimdedi.
