Nıger, Malı jáne Býrkına-Faso konfederatsııa qurady
ASTANA. KAZINFORM – Nıger, Malı jáne Býrkına-Faso bıligi Sahel memleketteri alıansy konfederatsııasyn qurý josparynyń túpkilikti nusqasyn bekitti. Jobany Nıger astanasy Nıameıde úsh eldiń syrtqy ister mınıstrleri maquldady. Bul týraly dw.com jazdy.
Kezdesýden keıin Nıger Syrtqy ister mınıstri Bakarı ıAý Sangare sońǵy mátin úsh memlekettiń áskerı úkimet basshylarynyń sammıtinde qabyldanatynyn aıtty. Sangare onyń ótetin kúnin naqtylaǵan joq. Jýrnalısterge kelisimniń mazmuny týraly da tolyq málimet berilmedi.
2024 jyldyń qańtarynda Nıger memleketi Malı jáne Býrkına-Fasomen birge EKOVAS aımaqtyq alıansy – Batys Afrıka memleketteriniń ekonomıkalyq qaýymdastyǵy quramynan shyqty. Ondaǵy basty maqsaty jıhadtyq toptarǵa qarsy kúres arqyly Batys Afrıkadaǵy aımaqtyq qaýipsizdikti qamtamasyz etý boldy.
Osydan keıin Saheldiń úsh eliniń bıligi AQSh jáne Frantsııamen áskerı yntymaqtastyqty toqtatatyndaryn resmı túrde jarııalady. Sonymen qatar olardyń áskerı shyǵyndary budan bylaı baqylaýǵa alynbaıtyn jarlyq shyǵardy. Jaýap retinde EKOVAS Malı men Nıgerge sol elderdegi demokratııalyq jolmen saılanǵan úkimetterdi qulatqan áskerı tóńkeristerge qatysty sanktsııalar saldy.
2023 jyldyń qyrkúıeginde Malı, Býrkına-Faso jáne Nıger basshylary Sahel memleketteriniń alıansyn qurý týraly hartııaǵa qol qoıdy. Oǵan sáıkes, bir nemese birneshe qatysýshy eldiń egemendigine nemese aýmaqtyq tutastyǵyna jasalǵan shabýyl búkil blokqa qarsy agressııa retinde qarastyrylady jáne áskerı aralasýdy talap etedi.
