NIF$50K jáne Ratsıonalızator.kz baıqaýynyń jeńimpazdary anyqtaldy

ASTANA. 17 qazan. QazAqparat - Búgin Astanada Tehnologııalyq damý jónindegi ulttyq agenttik ınnovatsııa jáne jańa tehnologııalardy damytýǵa arnalǵan úsh birdeı baıqaýdyń qorytyndylaryn shyǵardy.

Atap aıtar bolsaq, ol úsh saıys NIF$50K ınnovatsııalyq bıznes-josparlardyń respýblıkalyq konkýrsy, «Ratsıonalızator.kz» respýblıkalyq jarysy jáne «Órleý aqparaty» atty ınnovatsııalyq taqyrypta jazylǵan eń úzdik jýrnalıstik materıaldar konkýrsy.

NIF$50K baıqaýynyń jeńimpazy Taldyqorǵan qalasynyń turǵyny Myrzahmet Túleev atanyp, 7,5 mln. teńge syılyq aldy. Onyń ónertabys jobasy «Aımaqtardaǵy sý deńgeıin kóterý qurylǵysy» dep atalady.

«Ratsıonalızator.kz» konkýrsy boıynsha birinshi oryn «Qazfosfat»JShS qyzmetkerleri Muqash Eskendirov, Leonıd Frangýlıdı, Ábsamat Kerembaev, Serik Myqtybaev, Aleksandr Malysh, Nıkolaı ıÝrchenko sııaqty azamattarǵa buıyrdy.