Nıderlandylyqtar bosqyndarǵa arnalǵan ortalyqtyń salynýyna qarsy shyqty
ASTANA. QazAqparat - Nıderlandy polıtsııasy Geldermalsen qalasynda 1,5 myń bosqynǵa arnalǵan ortalyqtyń salynýyna qarsylyq bildirgenderdi kúshpen taratty, dep habarlady Bı-bı-sı.
Ortalyqty salý jónindegi kelissózder qalalyq keńes ǵımaratynda ótip jatqan, alaıda bul sheshimge narazy top uıymdastyrǵan aktsııaǵa qatysýshylar ǵımaratqa basyp kirmek bolǵandyqtan, jıyndy jalǵastyrý múmkin bolmady.
Sharaǵa qatysqan birneshe belsendi qolǵa túsken, japa shekkender men jaraqat alǵandar týraly habar joq.
Narazylyq aktsııasyna 2 myń adam qatysqan. Al qalada nebary 27 myń turǵyn bar.
Aıta keteıik, bıyl Nıderlandyǵa Sırııa, Irak jáne Afrıka men Taıaý Shyǵys elderinen birneshe ondaǵan myń bosqyn kelgen.
