Nıderlandyda jasyryn túrme men azaptaý kamerasy tabyldy
BRıÝSSELЬ. QazAqparat – Nıderlandy polıtsııasy EncroChat messendjerinde habarlamalardy oqýdyń arqasynda qylmyskerler paıdalanǵan jasyryn túrme men azaptaý kamerasyn tapty, dep habarlaıdy QazAqparat menshikti tilshisi NLTimes-ke silteme jasap.
Uıymdasqan qylmystyq top paıdalanǵan jasyryn túrme men azaptaý kamerasy Belgııamen shekarada ornalasqan Voývz Plantaj kommýnasynda qoımadan tabylǵan. Adamdardy urlaýǵa ázirlenip, olardy tutqynǵa alyp azaptamaqshy bolǵan alty adam ustaldy.
Polıtsııa Rotterdamdaǵy ekinshi nysannan qarýlaryn saqtaǵan oryn tapty. Qylmys EncroChat messendjerindegi habarlamanyń qupııasyn ashyp oqý barysynda áshkerelendi.
Túrmege jeti teńiz konteıneri qoıylǵan, olardyń altaýy túrme kamerasy retinde paıdalanylsa, jetinshisi – azaptaý bólmesi retinde qoldanylǵan. Habarlamada belbeýi bar stomatologııalyq kreslo ornalasqan konteınerdiń sýreti bolǵan. Sondaı-aq, qylmyskerler adamdardy urlaý jáne azaptaý týraly talqylaǵan.
Kúdiktiler bul jerdi «ebı» dep ataǵan, golland tilinen aýdarǵanda «emdeý kabıneti» bar qatań rejımdegi penıtentsıarlyq mekeme degendi bildiredi. Polıtsııa «túrmeni» sáýirdiń ortasynan bastap ańdyǵan. Osy nysanda kúnde jumys isteıtin birneshe er adamdy baıǵan.
Konteınerler dybys jáne jylý ótkizbeıtindeı etip jasalynǵan. Ár kameranyń edeni men tóbesine kisen, al buryshqa vıdeokamera qoıylǵan.
Polıtsııa konteınerlerdiń birinen polıtsııanyń arnaıy kıimin, oq ótkizbeıtin kókirekshe men jypyldaýyq tapqan. Taǵy bir konteınerde azaptaýǵa arnalǵan quraldar – qaıshy, ara, skalpel, qysqysh, kisen, skotch, qap salynǵan sómke bolǵan.
Quqyq qorǵaýshylar urlanǵan júk kóligi men eki BMW avtokóligin tapty.
Habarlamada Rotterdamda ornalasqan ekinshi qoıma týraly aıtylǵan. Polıtseıler ol jerden jeti tapansha men avtomat tapty. Olar on bir jerdi tintip shyǵyp, Rotterdamdaǵy úılerdiń birinen 24 keli «ekstazı» esirtkisin anyqtady. Kúdiktilerden 25 qarý tárkilendi.
Avtory: Tımýr Dúısekeev
