Nıderlandyda tramvaıda belgisiz bireý oq jaýdyryp, birneshe adam jaraqat aldy
ASTANA. QazAqparat - Nıderlandynyń Ýtreht qalasynda tramvaıda bolǵan atys saldarynan birneshe adam jaraqattandy, dep habarlaıdy QazAqparat EFE-ge silteme jasap.
Polıtsııa men sanıtarlyq avıatsııa qyzmetiniń deregine sáıkes, oqıǵa 10:45-te 24 qazan kúni bolǵan.
«Oqǵıa Ýtreht qalasynda Oktoberpleın 24 mekenjaıynda boldy. Bul týraly 10:45-te habarlandy. Birneshe adam jaraqat aldy. Oqıǵa bolǵan aýmaq qorshaýǵa alyndy, qazir tergeý júrip jatyr», - dep habarlady polıtsııa Týıtterde.
NOS agenttiginiń habarlaýynsha, qurbandardyń naqty sany ázirge belgisiz.
Nıderlandynyń qaýipsizdik jáne terrorızmge qarsy kúres agenttigi de tergeýge tartyldy. Ýtreht provıntsııasynda terrorıstik qaýiptilik deńgeıi 5-ke deıin kóterildi.
Oqıǵa ornanda qarýly polıtseıler bar. Sanıtarlyq avıatsııa qyzmeti atys bolǵan jerge úsh tikushaq jiberdi.
«Kýágerlerdiń aıtýynsha, er adam qarýyn shyǵaryp, bárine oq jaýdyrǵan. Keıin oqıǵa ornynan ketip qalǵan», - dep habarlady polıtsııada. Olar Renault Clio qyzyl tústi kólikti izdep jatyr.
Jergilikti BAQ polıtsııanyń ázirge eshkimdi tutqyndamaǵanyn habarlady.
Aıta keteıik, Ýtreht qalasy - Amsterdamnan ońtústik-shyǵysqa qaraı 40 shaqyrym jerde ornalasqan Nıderlandydaǵy aýqymy boıynsha tórtinshi qala.
