Nıderlandyda sý tapshylyǵy baıqalýda

NUR-SULTAN. QazAqparat – Nıderlandyda tuşy sý jetispeı otyr. El bıligi turǵyndarǵa úndeý jasady, dep habarlaıdy QazAqparat euronews aqparat agenttigine silteme jasap.

«Aýyzsýǵa qaýip tónip turǵan joq, men muny erekshe atap ótkim keledi. Jaýapty mamandar ony tıisti túrde jetkizýdiń táýlik boıy júzege asyrylýyn qadaǵalap otyr. Biraq sýdy óte únemdi paıdalaný qajet. Qazirgi kezde ásirese keme qatynasy men aýyl sharýashylyǵy kóbirek zardap shegip otyr. Ózenderde sý azaıyp, kemeler júkti az mólsherde tasymaldaýda», - dedi sý máselesi jónindegi menedjer Mıshel Blom.

Osyndaı jaǵdaı Gelderland jáne Overeıssel provıntsııalary arqyly ótetin Eıssel ózeninde de oryn alǵan.

«Eıssel ózenniń tartylýy saldarynan sorǵylar endi sý tarta almaı otyr», - dedi Nıderlandynyń Sý qorlary jónindegi keńesiniń mamany Henk Veldhýızen.

Eldiń Infraqurylym jáne sý sharýashylyǵy mınıstri Mark Harbers turǵyndardy sýdy barynsha únemdeýge shaqyrdy.

Foto: ru.euronews.com