Nıderlandyda paranja kııýge tyıym salyndy
BRıÝSSELЬ. QazAqparat – Beısenbi kúni Nıderlandyda adamnyń betin jaýyp turatyn kıimdi kııýge tyıym salatyn zań shyqty, dep habarlaıdy QazAqparat NL Times agenttigine silteme jasap.
Búginnen bastap memlekettik mekemelerde, oqý ǵımarattarynda, densaýlyq saqtaý mekemeleri men qoǵamdyq kólikterde bet-álpetti jaýyp turatyn kıim kııýge bolmaıdy.
Paranja men nıkabqa ǵana emes, sondaı-aq, betti túgeldeı jaýyp turatyn mototsıkl shlemderi men balaklavaǵa tyıym salyndy. Eger azamat zań talabyna sáıkes betin ashýdan bas tartatyn bolsa, oǵan kórsetilgen qoǵamdyq oryndarǵa kirýge tyıym salynýy nemese 150 evro kóleminde aıyppul salynýy múmkin.
Kóshede áli de bolsa mundaı kıimdi kıip júrýge bolady, alaıda polıtsııa tulǵanyń túr-sıpatynyń sáıkestigin tekserý úshin betin ashýyn suraýy múmkin.
Paranjaǵa tyıym salý týraly alǵashqy zań jobasy nıderlandy parlamentine 14 jyl buryn engen edi, alaıda kemsitýshilik sıpatqa ıe bolǵandyqtan, qoldaý tapqan joq.
Adamnyń betin tutastaı jaýyp turatyn kıimge tyıym salý týraly qazirgi zańdy ótken jyldyń maýsym aıynda gollandııalyq parlamentarıı qoldaǵan bolatyn. Sol ýaqyttan beri bul zańdy iske qosý tásili uzaq ýaqyt talqylanǵan edi.
Avtor: Tımýr Dúısekeev
