Nıderlandyda qazaqstandyqtarǵa «aqyldy» aýylsharýashylyq tehnologııalary kórsetildi
BRıÝSSELЬ. QazAqparat - «Qazaqınvest» ulttyq kompanııasy men Nıderlandydaǵy Qazaqstan elshiligi qazaqstandyq aýyl sharýashylyq kásipkerleriniń qyzǵaldaqtar eline saparyn uıymdastyrdy, dep habarlaıdy «QazAqparat» HAA menshikti tilshisi.
Otandyq bıznes ókilderi Nıderlandydaǵy birqatar aýylsharýashylyq kásiporyndary men ǵylymı-zertteý ınstıtýttaryn aralap, aýylsharýashylyq ónimderin óndirýdiń ınnovatsııalyq tehnologııasymen tanysty.
Sapar aıasynda nıderlandylyq kásipkerler Qazaqstannyń agrarlyq saladaǵy áleýeti men elimizdiń ınvestıtsııalyq klımatynyń erekshelikteri usynylǵan dóńgelek ústel uıymdastyrdy.
Óz kezeginde, Eýropalyq qaıta qurý jáne damý bankiniń menedjeri Ásel Aıtqojına QR-daǵy ınnovatsııalyq aýyl sharýashylyǵy jobalaryn nesıeleý úshin qarjy ınstıtýtynyń múmkindikteri týraly baıandady.
Sapardyń qorytyndysy boıynsha, álemdegi jetekshi ǵylymı-zertteý ortalyqtarynyń biri - «Vahenıngen» Nıderlandy ýnıversıtetimen birlese otyryp, Qazaqstandaǵy agroındýstrııalyq parktiń qurylýy bolýy múmkin.
«Qazaqstan úlken aýylsharýashylyq áleýetke ıe. Óz kezeginde, Nıderlandynyń keshendi azyq-túlik klasterlerin qurý úshin qajetti tehnologııasy bar», - dedi aýylsharýashylyq mamany Pıter Smıts.
Aıta keteıik, Nıderlandy AQSh-tan keıingi ekinshi aýyl sharýashylyǵymen baılanysty álemdik eksporttaýshy bolyp tabylady.
