Nıderlandyda karantın talabyn buzǵandarǵa jazany qataıtý usynyldy
Nıderlandynyń Densaýlyq saqtaý mınıstrligi parlamentke koronavırýstyń taraý deńgeıi boıynsha «qyzyl» jáne «sary» aımaqtaǵy elderden kelip, karantın talaptaryn buzǵan azamattarǵa qoldanylatyn jazany qataıtýdy qarastyratyn zań jobasyn usyndy.
Eger Parlament depýtattary Densaýlyq saqtaý mınıstrliginiń usynysyn bekitse, ózgerister bıylǵy jyldyń 15 mamyrynan bastap kúshine enedi.
435 eýro kóleminde aıyppul salý, isti boldy degendi bildiredi. Qazirgi tańda álem elderiniń basym bóligi kirip otyrǵan «qyzyl» nemese «sary» aımaqtaǵy elderden kelgen adamdar 5 táýlikten soń PTR testiniń teris kórsetkishi bolmasa 10 táýlikke karantınge jatqyzylýy kerek.
Alaıda osy jaǵdaıǵa júrgizilgen zertteý jumystary sanıtarlyq talaptardy shetelge shyǵyp qaıtqandardyń tek árbir besinshisi ǵana oryndaıtynyn kórsetti.
«Bizdiń saıahatqa shyǵatyn múmkindigimiz bar, alaıda biz shekara asqandardyń elimizge mýtatsııalanǵan vırýstardy ákelip jatpaǵanyna senimdi bolýymyz kerek»,-dedi Nıderlandynyń Densaýlyq saqtaý mınıstri De Iong.
Saıahattaýshylardyń karantındik deklaratsııasy bolýy kerek. Onda olardyń karantınde qaı jerde bolatyny kórsetiledi. Tekserý telefon arqyly júrgiziledi nemese jergilikti keńester shetelden kelgen azamattardyń karantın talaptaryn saqtap jatqandyǵyn bilý úshin arnaıy laýazym ıelerin jiberýi múmkin.
