Nıderlandyda eki qurylys krany úılerdiń ústine qulady
ASTANA. QazAqparat - Nıderlandynyń shyǵysyndaǵy Alfen an-den-Reın qalasynda kópirdi qalpyna keltirýge tartylǵan eki kran jaqyn jerdegi úılerge qulaǵan.
Saldarynan 20-ǵa jýyq adam zardap shekti, dep habarlady Frans press.
"Eki kran men olar kótergen júk jaqyn jerdegi bes úıdiń ústine qulaǵan", - dedi agenttikke órt sóndirý qyzmetiniń ókili Ton Kýt.
Úıindiniń astynan bir adam shyǵarylǵany, onyń aýrýhanaǵa jetkizilgeni jaıly habarlandy. Іzdestirý-qutqarý jumystary jalǵasyp jatyr.
Krandar Djýlıana hanshaıym kópirin qalypqa keltirý jumystaryna paıdalanylǵan. Qosymsha júk túsirgen soń mashınalardyń biri qulap, onyń saldarynan tepe-teńdigin joǵaltqan ekinshisi de qulady.
