Nıderlandyda belgisiz bireý birneshe adamdy atyp óltirdi
NUR-SULTAN. QazAqparat – Nıderlandynyń ońtústik batys bóliginde ornalasqan Dordreht qalasynda belgisiz bireý kóshede oq jaýdyrǵan. Birneshe adam qaza tapqan. Bul týraly Rotterdam qaýymynyń polıtsııasy habarlady.
«Dordrehte atys saldarynan birneshe adam mert boldy. Biz qylmys bolǵan jerdemiz. Ne bolǵanyn tekserýdemiz»,- dep jazdy quqyq qorǵaý organdarynyń qyzmetkerleri Twitter-de.
Jergilikti BAQ-tyń habarlaýynsha, kem degende úsh adam kóz jumǵan. Qanshaýynyń jaraqattanǵany ázirge belgisiz. Kúdikti qamaýǵa alyndy.
