Nıderlandy polıtsııasy kúdikti lańkestiń úıinen oq-dári tapqanyn jarııalady
BRıÝSSELЬ. QazAqparat - Nıderlandy polıtsııasy jeksenbi keshke lańkestik jasaýǵa daıyndalǵan degen kúdikpen tutqyndalǵan frantsýzdyń úıin tintip, oq-dári tapty. Bul týraly jýrnalısterge Nıderlandy prokýratýrasynyń resmı ókili Vım de Brýın málimdedi.
Vım de Brýınniń aıtýynsha, júrgizilgen izdeý sharasynda úıden oq-dáriler, aqsha, esirtki tabylǵan. Alaıda, resmı ókil naqty qandaı oq-dári ekenin aıtýdan bas tartty.
Jeksenbi keshke Rotterdamda arnaıy operatsııa barysynda polıtsııa Frantsııa bıliginiń ótinishi boıynsha 32 jastaǵy er adamdy tutqyndady. «Oǵan terakt jasaýǵa daıyndaldy degen kúdik taǵyldy», - dep málimdedi de Brýın.
Er adam qaı jaqtyń týmasy ekeni ázirge aıtylmady, aldaǵy ýaqytta Frantsııaǵa ekstradatsııalanady. Ustalǵan er adam 25 naýryzda Parıjde tutqyndalǵan frantsýzdyq lańkes Red Krıketpen baılanysta bolǵan degen kúdik bar.
Operatsııa barysynda taǵy úsh adam tutqyndaldy. Olardyń bári Aljır týmalary. Olardy frantsýz bıligi izdep jatqan joq. Sondyqtan, olarǵa qatysty tergeý áreketterin gollandııalyq tergeý organdary júrgizedi.
