Nıderlandy men Norvegııada karantın sharalary uzartyldy

NUR-SULTAN. QazAqparat - Nıderlandy men Norvegııada karantındik shekteý uzartyldy. Bul týraly QazAqparat Qazaqstanda koronavırýstyń taralýyna jol bermeý jónindegi VAK jumysynyń Telegram kanalyna silteme jasap habarlaıdy.

Nıderlandyda koronavırýs ınfektsııasynyń órshýi kezinde engizilgen shekteý sharalaryn jaqyn arada jeńildetiledi degen úmit aqtalmady. El qatań karantındi kem degende taǵy úsh aptaǵa uzartty. Sebebi, indetti juqtyrǵandar sanyny kúrt ósýde.

Norvegııa naýryz aıynyń sońyna belgilengen lokdaýnnan shyǵý josparyn keıinge qaldyrady. El úkimetiniń sońǵy shekteýleriniń biri-barlar men meıramhanalarda alkogol satýǵa tyıym salý boldy. Munyń sebebi-COVID-19 jańa nusqalarynyń el aýmaǵynda belsendi taralýy boldy.
Aldaǵy kúnderi Ulybrıtanııa bıligi turǵyndarǵa salmaqty sebepsiz shetelge shyǵýǵa tyıym salmaq. Buzýshylarǵa úlken aıyppul salynatyn bolady. Buǵan qaramastan, týrıstik maýsym qarsańynda Gretsııa men Ispanııa brıtandyqtar úshin elge kirý sharttaryn jeńildetýge nıet bildirip otyr.