Nıderlandy maýsym aıynyń basynan lokdaýn talaptaryn jeńildetpek
NUR-SULTAN. QazAqparat - Rýmynııada 12-15 jas aralyǵyndaǵy balalarǵa BioNTech/Pfizer ekpesin saldyra bastady. Atap aıtqanda, el astanasy Býharestte senbi, 29 mamyrda qalalyq saıabaqtardyń birinde eki mobıldi egý stantsııasy qoıyldy.
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.
Stantsııalardyń qyzmetkerleri ekpe qabyldaýǵa nıetti azamattardy vaktsınalaı bastady.
Rýmynııanyń Hotnews.ro. jańalyqtar portalynyń habarlaýynsha, balalardy egý ata-analar vaktsınatsııaǵa kelisim berý týraly qujatqa qol qoıǵannan keıin ǵana júzege asyrylady.
Nıderlandyda maýsym aıynyń basynan lokdaýn talaptary jeńildetilmek. Atap aıtqanda, barlar men meıramhanalar kelýshilerge kóshede ǵana emes, ishki bólmelerde de qyzmet ete kórsete alatyn bolady. Sonymen qatar, elde mýzeıler ashylady dep kútilýde.
Frantsııada Versal saraıynyń aýmaǵynda koronavırýsqa qarsy egý pýnkti ashyldy.
Turǵyndar ekpeni qabyldaǵan soń, tsıtrýs aǵashtary bar baqshany aralap, frantsýz patshalarynyń burynǵy rezıdentsııasynyń baı sáýletin tamashalaı alady. Jergilikti bıliktiń aıtýynsha, bes kún ishinde munda bes myń adam dozasyn ala alady.
Aıta keteıik, Sovid-19 qarsy vaktsınanyń alǵashqy komponentin 24 mıllıonǵa jýyq frantsýz saldyrǵan. Al 31 mamyrdan bastap vaktsınatsııa jasy 18-den asqan Frantsııanyń kez-kelgen turǵyny úshin qol jetimdi bolady.
