Nıderlandy koroliniń inisi qaıtys boldy
ASTANA. 13 tamyz. QazAqparat - Keshe, 12 tamyz kúni, bir jarym jyl es-tússiz jatqan Nıderlandy hanshaıymy Beatrıkstiń ortańǵy uly, qazirgi korol Vıllem-Aleksandrdiń inisi Frıso hanzada qaıtys boldy.
QazAqparat buryn habarlaǵandaı, 2012 jyldyń aqpan aıynda Frıso hanzada Avstrııanyń Alpi taýlarynda dástúrli túrde osy jyl mezgilinde koroldik otbasy demalatyn Leh taý-shańǵylyq kýrortyna taıaý jerde qar kóshkininiń astynda qalǵan. Sozylmaly júrek jetispeýshiliginen jáne sonyń nátıjesinde týyndaǵan ottektiń jetispeýi saldarynan naýqastyń mıyna qatty zaqym tıdi. Sodan beri ol es-tússiz jatty.
