Nıderlandy koroli jolaýshylar ushaǵynda jasyryn túrde ekinshi ushqysh bolyp kelgen
ASTANA. QazAqparat - Nıderlandy koroli Vıllem-Aleksandr 21 jyl boıy, tipti taqqa otyrǵannan keıin de aıyna eki ret KLM enshiles kompanııasy KLM Cityhopper jolaýshylar reısinde jasyryn túrde ekinshi ushqysh bolyp jumys jasap kelgendigin jurtshylyqqa jaıyp saldy. Bul týraly monarh De Telegraaf -qa bergen suhbatynda málimdedi.
Basylymnyń atap ótýinshe, Vıllem-Aleksandrdyń ushaq basqaryp kelgendigi 2013 jyly taqqa otyrǵanǵa deıin málim bolǵan edi. Buryn ol ushqysh lıtsenzııasyn saqtap qalý maqsatynda shaǵyn ortamagıstraldi Fokker 70 ushaǵyn «qonaq ushqysh» retinde basqarǵan bolatyn.
Nıderlandy koroli óziniń bergen suhbatynda atap ótkendeı, ol ary qaraı da ushaqtyń shtýrvalyna otyrýyn jalǵastyrmaqshy jáne bıyl jazda úlken Boeing 737s laınerin basqarý boıynsha ushý kýrsyn oqymaq.
Sondaı-aq, ol jolaýshylar ushaǵynyń shtýrvalyna árbir jasyryn otyryp kelgen sátinde borttaǵy jolaýshylarǵa óziniń kim ekenin tanystyrmaı kelgen. Sebebi, ekinshi ushqysh ózin tanystyrýǵa mindetti emes. Budan basqa, Vıllem-Aleksandrdyń aıtýynsha, KLM-nyń kıim úlgisi men fýrajkasynan ony eshkim tanymaǵan.
FOTO: Natascha Libbert
