Nıderlandy Indonezııa halqyn sotsyz ólim jazasyna keskeni úshin keshirim surady

Sol ýaqyttaǵy BUU-nyń jarııalaǵan esebi boıynsha, 1947 jyldyń qańtar aıynda 200-den asa ındonezııalyq er-azamattar sol kezde Tselebes dep atalǵan jergilikti úkimet ǵımaratynyń qarsy aldynda ólim jazasyna kesildi. Dál sol jyly Balongsarı aýylynda kem degende 150 adam aıaýsyz óltirildi.

Gaaga osyǵan deıin keshirim suraǵan, keı jaǵdaılarda ótemaqy da tólep turdy. Biraq resmı túrde keshirim suraýy birinshi ret bolyp tur.

Shara Djakartadaǵy Nıderlandy elshiliginde qurbandardyń birneshe týystarynyń qatysýymen ótti.

"Qaza bolǵandardyń jesir áıelderiniń eshqaısysy bul sharaǵa qatyspady. Sebebi olar Sýlavesı aralynda turady, astanaǵa kelýge densaýlyqtary jaramaıdy, tym álsiz", - dedi NOS gollandııalyq telearnasy.

«Nıderlandy úkimeti Indonezııadaǵy sot sheshiminsiz qurban bolǵandardyń jesir áıelderiniń aldynda jaýapty ekenin biledi», - dedi Zvaan.

«Keıde bir-birimizdiń kózimizge týra qarap, alǵa qaraı birge júrýimiz úshin ótkenge kóz tastaǵan jón. Resmı túrde keshirim suraý saltanatynyń negizgi máni sonda» - dep sózin jalǵastyrdy ol.

Atap óteıik, kezinde ólim jazalaryna qatysqan gollandyq áskerılerdiń eshqaısysy da sot aldynda jaýap bermedi. Nıderlandydaǵy eki daýly sot sheshiminen keıin ǵana keıbir jesir áıelderge 20 myń eýrodan ótemaqy tólendi.

Nıderlandy Indonezııanyń táýelsizdigin 1949 jyly ǵana moıyndady.