Nıderlandy bankin avtomattandyrý úderisi 6 myń qyzmetkerdi jumyssyz qaldyrady
ASTANA. QazAqparat - Nıderlandynyń iri ING banki ınfraqurylymyn sandyq júıege aýystyrýyna baılanysty 6 myń jumys ornyn qysqartatynyn málim etti. Osylaısha bank 2021 jylǵa qaraı jylyna 1 mıllıard dollar únemdeýdi kózdep otyr, dep jazady Quartz.
Avtomattandyrý bank qyzmetkerleriniń 12 paıyzyn jumyssyz qaldyrady. Qazir uıymda 52 myń jumysshy bar. Taǵy 1 200 qyzmetker basqa bólimderge aýystyrylmaq. Bul - ING bankindegi 2009 jyldan bergi eń úlken qysqartý. ING tehnologııalardy damytýǵa 900 mıllıon dollar ınvestıtsııa sala otyryp, 2021 jyly biryńǵaı sandyq bank tuǵyrnamasyn jasaýdy josparlap otyr.
Bank júıesiniń tsıfrlyq nusqaǵa aýysýy Soltústik Eýropada birneshe jyl buryn ótip ketken zańdy úrdis, - dep málim etti bank basshysy Ralf Hamers.
Qysqaryp qalǵan qyzmetkerlerge bank 1 mıllıard dollar ótemaqy usynady.
