Nıderlandy Antarktıda muzdyqtarynyń erýi saldarynan sý astynda qalýy múmkin
ASTANA. 24 jeltoqsan. QazAqparat - Batys Antarktıda muzdyqtarynyń erýi Nıderlandy, Bangladesh jáne Tývalý sııaqty memleketterdiń sý astynda qalýynyń sebebi bolýy yqtımal.
Bul týraly Ogaıo shtatyndaǵy Ýnıversıtet ǵalymdarynyń zertteýinde aıtylady.
«Qurlyqtyń batys bóligindegi muz jabynynyń temperatýrasy bizdiń buǵan deıingi shamalaýymyzdan eki esedeı jyldam ósýde», - dep atap ótilgen klımatologtardyń baıandamasynda. Bırd (Byrd) zertteý stansasyndaǵy ortasha jyldyq temperatýra 1950 jyldardan beri Tselsıı boıynsha 2,4 gradýsqa ósti. Batys Antarktıdadaǵy temperatýra ósiminiń qarqyndary ortasha álemdik kórsetkishterden úsh ese joǵary.
Temperatýralardyń kóterilýi muzdyqtardyń erýine jáne álemdik muhıt deńgeıiniń ósýine soqtyrady. Bul jaǵadaǵy birqatar memleketterge zııan keltirýi múmkin, olardyń arasynda Nıderlandy, Tývalý, jáne Tynyq muhıt arhıpelagtary bar.
