Nıderlandtaǵy týrnırde Mahmud Sabyrhan qarsylasyna ese jiberdi

ASTANA. KAZINFORM - Nıderlandtyń Eındhoven qalasynda ótip jatqan bokstan Eindhoven Cup halyqaralyq týrnırinde qazaqstandyq boksshylardyń 7 maýsymdaǵy nátıjesi belgili boldy.

Bul kúni el quramasynan Danııal Sábıt, Mahmud Sabyrhan, Ertýǵan Zeınýllınov, Abylaıhan Júsipov, Sabyrjan Aqqalyqov, Erasyl Jakpekov synǵa tústi.

50 keli. Danııal Sábıt - Maksım Rýdık (Ýkraına). Bul jekpe-jekte tóreshiler biraýyzdan jeńisti Danııalǵa berdi. 

55 keli. Mahmud Sabyrhan - Maksım Zımenko (Ýkraına). Ókinishke qaraı atalǵan salmaq dárejesinde tóreshilerdiń sheshimimen Mahmud qarsylasyna ese jiberdi. 

65 keli. Ertýǵan Zeınýllınov - Abdýlla Abý-Arab (Danııa). Birinshi raýndta danııalyq boksshy jaraqatyna baılanysty jekpe-jekten bas tartty. Osylaısha bul kezdesýde Ertýǵan jeńiske jetti.  

70 keli. Abylaıhan Júsipov - Sımon Rıt (Germanııa). Bul salmaqtada tóreshilerdiń sheshimimen jeńis Abylaıhanǵa berildi. 

75 keli. Sabyrjan Aqqalykov - Saırýs Klarında (Nıderland). Qarsylasynan basym bolǵan otandasymyz jarysty ármen qaraı jalǵastyratyn boldy. 

80 keli. Erasyl Jakpekov - Endı Sımba (Belgııa). Aıqas úshinshi raýndta aıaqtaldy. Erasyldyń qarsylasy da jaraqatyna baılanysty jekpe-jekti jalǵastyra almady. 

Aıta keteıik, halyqaralyq týrnır 6-9 maýsym aralyǵynda ótedi.