Nıderlandtaǵy týrnırde qazaqstandyq bes boksshy jeńiske jetti

ASTANA. KAZINFORM — Nıderlandtyń Eındhoven qalasynda ótip jatqan Eindhoven Cup halyqaralyq týrnırinde qazaqstandyq boksshylardyń 6 maýsymdaǵy nátıjesi belgili boldy.

Alǵashqy jarys kúninde el quramasynan alty bylǵary qolǵap sheberi sharshy alańǵa shyqty.

Olardyń qatarynda Erhan Turdan, Ertýǵan Zeınýllınov, Abylaıhan Júsipov, Sabyrjan Aqqalyqov, Saǵyndyq Toǵambaı jáne Nurlan Saparbaı bar.

Olardyń nátıjesi tómendegishe:

60 keli Erhan Turdan (Qazaqstan) — Rasýl Gýlıev (Ýkraına). Tóreshilerdiń sheshimimen jekpe-jek R. Gýlıevtiń jeńisimen aıaqtaldy.

65 keli. Ertýǵan Zeınýllınov (Qazaqstan) — Hılal Saleh (Shvetsııa). Tóreshilerdiń biraýyzdan sheshimimen jeńis E. Zeınýllınovke berildi.

70 keli. Abylaıhan Júsipov (Qazaqstan) — Aleksandr Trofımchýk (Lıtva). Tóreshilerdiń biraýyzdan sheshimimen jeńis A.Júsipovke berildi.

75 keli. Sabyrjan Aqqalyqov (Qazaqstan) — Orlando Hollı-Sotomı (Ýels). Tóreshilerdiń biraýyzdan sheshimimen S. Aqqalyqov jeńiske jetti.

90 keli. Saǵyndyq Toǵambaı (Qazaqstan) — Dakaı Albon (Bosnııa jáne Gertsegovına). S. Toǵambaı ekinshi raýndta nokaýtpen jeńiske jetti.

90 keliden joǵary. Nurlan Saparbaı (Qazaqstan) — Mervel Bında (Germanııa). Tóreshilerdiń biraýyzdan sheshimimen N. Saparbaı jeńiske jetti.

Endi el quramasynan Danııal Sábıt (50 keli), Mahmud Sabyrhan (55 keli), Erasyl Jaqpekov (80 keli), Dáýlet Tilemisov (85 keli), sharshy alańǵa shyǵady.

Halyqaralyq týrnır 6-9 maýsym aralyǵynda ótedi.