Nıderlandtaǵy týrnırde Ertýǵan Zeınýllınov jartylaı fınalǵa shyqty

ASTANA. KAZINFORM - Nıderlandtyń Eındhoven qalasynda ótip jatqan bokstan Eindhoven Cup halyqaralyq týrnırinde Ertýǵan Zeınýllınov (65 keli) jartylaı fınalǵa ótti.

Qazaqstandyq bylǵary qolǵap sheberi shırek fınalda danııalyq Abdýlla Abý-Arabtan basym tústi.

Ol budan buryn shvetsııalyq Hılal Salehtiń osal tusyn tapty. Tóreshilerdiń biraýyzdan sheshimimen jeńis E. Zeınýllınovke berildi.

Dúbirli dodaǵa elimizdiń atynan 10 boksshy barǵan bolatyn.

Endi el quramasynan Danııal Sábıt (50 keli), Mahmud Sabyrhan (55 keli), Erasyl Jaqpekov (80 keli), Dáýlet Tilemisov (85 keli), sharshy alańǵa shyǵady.

Sondaı-aq el quramasynan Abylaıhan Júsipov (70 keli), Sabyrjan Aqqalyqov (75 keli), Dáýlet Tilemisov (85 keli), Nurlan Saparbaı (90 keliden joǵary) alǵashqy jekpe-jegin sátti ótkizdi.

Al Erhan Turdan (60 keli) ýkraınalyq Rasýl Gýlıevke ese jiberip qoıdy.

Halyqaralyq týrnır 6-9 maýsym aralyǵynda ótedi.