Nıderlandtaǵy týrnırde Abylaıhan Júsipov fınalǵa joldama aldy

ASTANA. KAZINFORM - Nıderlandtyń Eındhoven qalasynda ótip jatqan bokstan Eindhoven Cup halyqaralyq týrnırinde Abylaıhan Júsipov (70 keli) fınalǵa joldama aldy.

Jartylaı fınalda ol belgııalyq Anas Kaddýrımen qolǵap túıistirdi. Jekpe-jek barysynda ol tóreshilerdiń biraýyzdan sheshimimen 5:0 esebimen basym tústi.

Abylaıhan álem chempıonatynda úsh dúrkin qola júldeger atanǵan edi. Oǵan qosa Azııa chempıonatynda kúmis medalǵa qol jetkizdi.

Al el quramasynan Danııal Sábıt (50 keli) jartylaı fınalda belgııalyq Redýan Assaıdiń osal tusyn taýyp, fınalǵa joldama aldy.

Sondaı-aq el quramasynan Ertýgan Zeınýllınov (65 keli) jartylaı fınalda ázerbaıjandyq Alı Abdýllaevqa ese jiberdi.

Halyqaralyq týrnır 6-9 maýsym aralyǵynda ótedi.

Aıta ketsek, dúbirli dodaǵa elimizdiń atynan 10 boksshy attanǵan edi. Olardyń arasynan erterek Mahmud Sabyrhan (55 keli), Erhan Turdan (60 keli), Erasyl Jaqpekov (80 keli) jarys jolynan shyǵyp qaldy.