Nıderlandta jastar arasynda áleýmettik kómek alýshylar sany ósip keledi

ASTANA. KAZINFORM — Nıderlandtyń Statıstıkalyq basqarmasynyń (CBS) derekteri boıynsha, jastar arasyndaǵy jumyssyzdyq deńgeıi eresekterge qaraǵanda tez beleń alyp jatyr, dep habarlaıdy AZERTADJ

Ákimdikter jumys tabýda qıyndyq kórip otyrǵan jastar sanynyń artqanyn aıtady. Nu.nl gazetiniń málimetinshe, ásirese 27 jasqa deıingiler áleýmettik kómekke jıi júginedi. Bul rette áleýmettik kómek – ómir súrýge jetkilikti tabysy joq adamdarǵa beriletin sońǵy shara.

Kómek alýshylardyń shamamen jartysy syrqatyna nemese múgedektigine baılanysty jumys isteı almaıdy. Jastardyń kópshiligi eńbek ótili joq bolǵandyqtan, olar eresekter sııaqty WIA baǵdarlamasy boıynsha ótemaqy ala almaıdy.

2025 jyldyń sońynda Divosa habarlaǵandaı, ákimdikterge ártúrli múgedektigi men erekshe qajettilikteri bar jastardan kóp ótinish túsken. Olarǵa bosqyn mártebesi bar adamdar da kiredi, olar ádette birden jumys taba almaıdy.

Ákimdikter barlyǵyna jyldam jumys tabýǵa múmkindik bolmaıtynyn, jastardyń áleýmettik kómekten táýeldi bolý jaǵdaıy artqanyn aıtyp, dabyl qaǵyp jatyr.

Budan buryn Nıderlandta turǵyn úı baǵalary qańtar aıynda rekordtyq kórsetkishke jetkeni málim boldy. Bul negizinen turǵyn úı naryǵyndaǵy turaqty tapshylyq, jańa úılerdiń azdyǵy jáne úı sharýashylyqtarynyń tabysynyń ósýimen baılanysty.